Մանրէներն էվոլյուցիայի տերերն են. կենսաբաններ

Lenta.ru-ի փոխանցմամբ՝ Բերկլիի համալսարանի կենսաբանները հայտնաբերել են ավելի քան 1000 նոր միկրոօրգանիզմ, որոնք ապրում են էքստրեմալ պայմաններում, և դրանց վերծանված գենոմների հիման վրա կառուցել է նոր կյանքի ծառ, որը ներառում է 3083 միկրոօրգանիզմ։

Պարզվել է, որ հայտնի բոլոր մանրէների կեսը նրանք են, որոնց հնարավոր չէ աճեցնել լաբորատոր պայմաններում։ Հետազոտության արդյունքները հրապարակվել են Nature Microbiology հանդեսում։

Միկրոկենսաբանները մանրէներն ուսումնասիրել են 15 տարի՝ հետազոտելով նրանց բնակության տարբեր վայրեր՝ սկսած կենդանիների օրգանիզմներից (օրինակ՝ դելֆինի բերանում) մինչև հանքային աղբյուրներ ու լքված հանքահորերի թունավոր լճակներ։

ԴՆԹ-ի վերծանումը վկայել է մանրէների նոր խմբի հայտնաբերման մասին։

Հարցեր, պատասխաններ, մեկնաբանություններ